Patay ang dose anyos nga babayi matapos malumos sa suba nga ila gin paliguan sang Sabado sa bahin sang Barangay Tooy sa siudad sang Himamaylan.
Sandig sa report sang Himamaylan PNP, nag paligo kag nag hampang sang Sabado sang udto sa suba ang biktima upod ang iya mga abyan man nga menor de edad.
Matapos sang pila ka minuto, na talupangdan sang iya mga upod nga nadula na ang biktima gani ila ini gin pangita.
Nagligad ang isa ka oras sang ila tigayon makita ang 12 anyos nila nga abyan nga yara sa dalom sang tubig sa suba.
Gindala pa sa ospital ang menor de edad nga biktima pero patay na ini sang mag abot sa ospital.