Gikan sa proper sang banwa sang Isabela kag papauli na ang mga estudyante nga naga-angkasanay sa motorsiklo, sang sila ang makabunggo sa likod nga bahin sang nagapondo nga truck sa higad sang dalan sa Sitio Barila, Barangay Camangcamang, mga las 7:55, Miyerkules sang gab-i.
Patay ang 17-anyos nga babaye, nga amo ang driver sang Honda Click nga motorsiklo, samtang pilason ang iya angkas nga babaye, 18-anyos.
Ginsiling ni Police Major Joseph Partidas, hepe sang Isabela PNP, naigo ang ulo sang driver sa kaha sang truck.
Bangud sang impact, nagdasok ang motor sa idalum sang truck kag natumba ang duha ka mga estudyante.
Posible suno sa pulis nga wala madeparahan sang driver ang nagapundo nga truck bangud may kadulumon ang lugar.
Gin-detain sa Isabela PNP ang 39-anyos nga driver sang Isuzu truck kag gin-impound ang salakyan.*
[sibwp_form id=1]