Humalin pa sang nagligad nga semana masako ang katapo sang environmental sanitation division sang City Health Office sa pagproseso sang sanitary permit application,kadam an diri ang para sa mga water refilling station nga ila natukiban nga wala man sang business permit.
Suno kay Dr. Grace Tan, pamuno sang environmental sanitation division, sa 240 ka mga water refilling station nga ila na inspeksyon, 112 na ang natukiban nga wala sang sanitary kag business permit.
Gin recommend na sang CHO ang temporaryo nga pag untat anay sang pagbaligya sang tubig sang mga water refilling station nga wala pa maka proseso sang ila mga permit.
May pila naman sa tag iya sang tubigan ang boluntaryo nga nag untat sa pag operate para mag proseso sang requirements.
Ang masupog nga monitoring kag inspection sang mga water refilling station kabahin sang tikang sang CHO batuk sa cholera case sa Bacolod nga naglab ot na sa tatlo.
Gin recommend man sang CHO sa mga kabarangayan ang chlorination sa iban pa nga water sources nalakip diri ang mga bomba kag bubon.