Masobra sa isa ka libo ka mga kabataan nga naga pang edaron 5 tubtob 11 anyos ang nabakunahan sa una nga adlaw sang pediatric vaccination sang probinsya.
1,112 ang nabakunahan nga mga kabataan sa Teresita Lopez Jalandoni provincial Hospital sa Silay City sang kahapon.
Sa indi madugay, suno kay Governor Eugenio Jose Lacson, gina paabot ang pagbukas naman sang iban nga mga opsital sang probinsya bilang vaccination center para sa mga kabataan sa amo nga pang edaron.
Masobra sa 360,000 ang target sang probinsya nga mabakunahan sa amo nga age group.
Sa pihak nga bahin, padayon man ang pagbakuna sang Negros Occidental para sa first kag second dose bisan pa ang para sa booster shot suno sa gobernador.
Masobra sa 2 million ang target sang Negros Occidental para malab-ot ang population protection.
“We will open up already all our hospitals. Amo na ang aton direction subong. The intention is to do it as soon as possible. Hopefully we can start with other district hospitals”, suno kay Lacson.