Sa datus sang Regional Vaccination Operations Center sa Visayas sang Pebrero 23 sini nga report, 11,061 ka mga kabataan ang nakabatun sang ila nga first dose.
Masobra sa 363,000 ang target sang Negros Occidental.
Samtang, padayon ang pagnubo sang kaso sang Covid–19 sa Negros Occidental.
15 ang new cases sa Pebrero 24 nga report sang Provincial Incident Management Team kag 522 ang active cases. Lima naman ang Covid related deaths sa amo nga report.
Sang nagliligad nga mga adlaw kun double digit man ang reported deaths, suno kay Tumimbang wala nagakasayuran nga mataas ang Covid deaths sang probinsya bangud sakop sang amo nga report ang mga deaths sa iban nga mga adlaw.
16 deaths ang gin report sang February 22, 14 naman sang February 21, kag 20 deaths sang February 19.
Ang pag report sang Covid deaths madugay bangud sang gina comply nga mga requirements.