Gindagsa sang mga job seekers ang una nga adlaw sang ginlunsar nga Labor Day Job Fair sang Bacolod PESO sa SM City Bacolod.
Ginsiling ni Bacolod PESO Coordinator Jovelyn Canoy, may 74 ka mga kumpanya kadam-an diri mga nagatanyag sang trabaho abroad ang bukas para sa 2-day job fair.
Target sang PESO kaupod ang Department of Labor and Employment nga maserbehan ang kapin 11,000 ka mga job applicants.
Isa sa mga hired on the spot ang AB English graduate nga taga-Escalante City.
Istorya ni Ma. Eden Barcelona nga nag-upod lang siya sa iya pakaisa sa mall kag wala siya magdumdom nga makuha gilayon bilang isa sa mga office staff sang mall.
Ang tuigan nga Labor Day Job Fair ang tubtob bwas sa mall.