Sa video nga kuha sang Bureau of Fire Protection, layo pa makita na ang madamol nga itom nga aso gikan sa Purok Amor sa Barangay Villamonte kaina sang aga.
Pag abot sa area, nagadaba daba na ang kalayo sa mga pamalay nga gina atubang sang mga bombero.
Naga inikit ikit ang mga pamalay nga himo sa mga bagay nga madasig masunog gani madasig man nga nag lapta ang kalayo.
Ang mga residente mansig luwas sang ila pagkabutang kag mga hinuptanan palayo sa kalayo.
Suno kay Edwin De la Cruz nakibot na lang siya sang nangayo sang bulig ang isa sa mga naga arkila sang kwarto sa iya balay.
Indi man siya kabalo kun ano ang ginhalinan sang sunog nga nagsugod sa second floor sang iya puluy-an.
Anum tanan ka mga persona ang gin atipan sang mga medical volunteers, duha diri sa ila nagkalapilasan sa sunog.
Indi pa man mahambal sang Bacolod City Bureau of Fire Protection kun ano ang ginhalinan sang sunog nga nagtupok sa onse tanan ka mga puluy an.
Si Punong Barangay Rommel Flores nagpasalig sang insigida nga ayuda sa mga pamilya nga nahalitan sang sunog.
Magatalana man ang barangay sang evacuation center para sa mga nadulaan sang puluy an.
One man tanan ka mga pamilya ang nawad-an sang puluy-an.
Ginabulubanta kapin isa ka milyon ka pesos ang halit sa propiedad nga tuga sang sunog.