Tubtob karon mga traffic enforcers sa gihapon ang nagapa-ulan kag nagapatial sa init samtang wala pa nasuguran ang pag-ilis sang mga gubaon nga mga traffic lights nga wala sang yellow ukon warning lights.
Nag-ayo na si Bacolod Traffic and Transportation Management Department, OIC Patrick Lacson sa City Engineer’s Office nga kuntani ma amat-amatan na ang pagkakas sang mga traffic lights sa 11 tanan ka mga areas ukon intersection.
Ginaduso ni Lacson nga tungod indi international standard ang mga traffic lights indi na lang ini pag gamiton kag kun mahimo i-scrap na lang kag i-pamaligya.
Samtang, tungod sang mainit nga panahon ginapasiguro sang pamuno sang BTTMD nga hydrated kag may libre nga mga vitamins ang mga traffic enforcers. May yara sang ginapatuman nga shifting sa ila nga duty schedules agud mapaiway ang insidente sang heat stroke.