Negatibo sa Covid-19 ang onse ka katapo sang Comelec-Bacolod nga ginpaidalom sa swab test matapos ang isa nila ka kaupod ang nag Covid positive.
Suno kay Comelec Bacolod Elections Officer, Atty Kathrina Trinio-Cana, onse sila ang gin-swab kag nag negatibo sa virus. May isa naman nga wala nag paidalom sa swab test.
Suno kay Trinio-Cana, nahatagan na sila sang clearance paagi sa Comelec medical online consultation nga makabalik sa trabaho sa Setyembre 27.
Suno kay Trinio-Cana nag negatibo man sila sa Covid 19, tapuson dapat ang 14-day quarantine period.
Padayon naman ang voter’s registration sang Comelec-Bacolod nga gin tal-usan sang personnel sang Comelec Negros Occidental.
Sa Setyembre 30 na ang katapusan nga adlaw para sa voter’s registration.