Nagtabog sang maigu-an sang kilat ang 11-anyos nga lalaki sa Sitio Candavid, Barangay Tuyom sa banwa sang Cauayan, Negros Occidental sang Domingo.
Ang biktima isa ka Grade 5 pupil kag masami nga yara sa honor roll.
Papauli na kuntani sa ila balay sa Sitio Buclao ang biktima kag ang iya iloy sang gulpi lang nagpangilat kag nag-ulan.
Suno sa 57-anyos nga iloy, nakaangkon ang iya bata sang sunog sa dughan kag nagtaliwan sa ospital.
Nagapanguma ang amay sang biktima, samtang nagapanglabada kag nagapang-utan tangkong ang iya iloy agud sila ang may makaon.
Sa karon, nagakinahanglan sang bulig ang pamilya sang menor de edad para sa galastuhan sa pagpalubong sa bata.
[sibwp_form id=1]