11 Covid related deaths ang gin report sang Provincial Incident Management Team sa una nga onse ka adlaw sang bulan sang Disyembre.
May isa ka covid related death nga na report sang December 10, lima sang December 9, tatlo sang December 5, kag duha sang December 1.
Damlag pa gin paathag na sang Provincial Health Office nga ang delay sa reporting sang covid related deaths tuga sang compliance sa mga documents ukon papeles.
Kalabanan naman sa sining mga kaso wala nabakunahan.
Samtang, ang active cases karon sa December 11 nga report sang PIMT yara sa 287. Kalabanan sa sining mga kaso mga incidental lamang.
Ehemplo, natukiban matapos gin swab bilang isa sa mga requirement sa mga yadtong naga kinahanglan sang medical atensyon kasubong sang mga maga bata.
Hospital Utilization Rate naman ang yara sa 31 percent. Suno kay Provincial Administrator Rayfrando Diaz, sa datus sang December 11, may 28 ka covid positive patients ang yara sa Cadiz District Hospital.
Ginalauman nga tayuyon ang pagnubo sang Covid cases.