Ang pinaka the best nga produkto sang mga producers gikan sa Negros ang liwat naman nga ipasundayag sa 37th Negros Trade Fair.
Kaina ginpatigayon ang Exhibitors Briefing kad Media Launch nga ginpangunahan sang Association of Negros Producers kag Provincial Government sang Negros Occidental.
Suno kay Mary Ann Colmenares ang Vice – Chairman sang 37th Negros Trade Fair, fully booked na sila.
May 108 ka mga booths ang sarang mabisitahan sa September 26 to October 1 nga trade fair sa Glorietta 2, Palm Drive Activity Center sa Makati City.
Humalin sa nanarisari nga pagkaon – gikan sa pastries, native delicacies, cheese padulong sa juice ang pwede mabakal kag matilawan.
Mga linen kag weave padulong sa bag, kag mga furniture ang nalakip sa mga Negrense products.
May bag-o man nga mga producers nga maga pakigbahin nga naga kasayuran sang bag-o man nga mga produkto.
May mga ELCAC barangays man nga maga pakigbahin.
Dugang pa ni Colmenares paagi gani sa Bulawan Awards ila nga gina haylo ang mga katapo nila nga mag develop pa gid sang bag-o nga mga produkto para man may itanyag nga lain sa ila nanari-sari nga market.
39 million pesos ang naganar sa nag ligad nga tuig.
Subong nagalaum sila nga ini ang malampuwasan. Amuma ang tema nga nagakasayuran man nga luyag nila mapaambit ang Negrense hospitality ukon mainit nga pagtatap.