Ginsugdan sang Bacolod Emergency Oprations Center ang briefing para sa mga barangay health workers nga amo ang maga bulig sa mga medical personnel sa natalana nga “Bayanihan Bakunahan” sa Nobyembre 29 tubtob Disyembre 1.
Suno kay Em Ang, executive director sang EOC, may dugang man nga 100 ka mga volunteer nga maga-bulig man sa mga vaccination center sa tatlo ka adlaw nga National Vaccination Days.
May masobra sa 40 ka mga vaccination centers ang igatalana sa Bacolod sa tuyo nga malab-ot ang masobra 60 mil nga qouta sang siudad.
Gani nagapangabay man ang eoc sa mga wala pa nabakunahan kag bisan ang mga luyag magbaton ang booster shots nga magpadulong lang sa mga natalana nga vaccination centers sa mga mall, mga kabarangayan kag mga eskwelahan nga magaserbi nga vaccination areas.