Nakumpiskar sang otoridad ang malapit sa 100 ka mga boxes sang gin-alegar smuggled nga sigarilyo sa higad sang baybay nga sakop sang Barangay Tangub, sa Bacolod kaina sang aga.
Sa report sang PNP, tatlo ka mga persona ang gindakup, pila sa ila mga kaupod ang nakapalagyo. Nakahalin man ang sakayan nga ginkargahan sang mga peke nga sigarilyo.
Suno sa PNP, gikan ang mga kinarton sang sigarilyo sa Mindanao.
Ginpatigayon ang inventory sang mga smuggled nga sigarilyo sa runway sang Old Bacolod Airport.
Ginpangunahan ang operation sang 4th Special Operation Unit sang PNP Maritime Group kag Criminal Investigation and Detection Group-Negros Occidental.