Shadow

10-wheeler natumba sa tunga sang dalan, duha ka persona pilason

Photo courtesy of municipality of Valladolid

Nag resulta sa tuman nga pag ginutok sa dalan ang pagkatumba kagab-i sang isa ka 10 wheeler, sa highway sa Barangay Mabini sa Valladolid.

Base sa initial investigation sang Valladolid PNP, naga dalagan gikan sa sur pa norte ang truck sa highway, sang gina alegar sang truck driver nga gingungguan siya ang isa ka multicab gikan sa pihak nga lane.

Pilason ang driver sang multicab.

Si Police Captain Wilfredo Benoman, hepe sang Valladolid PNP, nagsiling nga posible nag full brake ang driver sang truck matapos magbunggo ang multicab amo kun ngaa natumba ini sa dalan.

Naigu man sang truck ang isa ka pa ka salakyan.

Pilason man ang driver sang isa ka tricycle matapos ini maglikaw kag mahulog sa kilid sang highway.

Detained sa karon sa PNP ang driver sang truck.

Secured By miniOrangeSecured By miniOrange