Isa ka Isuzu nga 10-wheeler ang gin-carnap sa Lopez Transloading, sakop sang Purok Stop sa Barangay Blumentritt sa banwa sang Murcia, Negros Occidental, Martes sang hapon.
Nagpangayo sang bulig ang tag-iya sang truck matapos madiskubrehan nga nadula ang salakyan sa transloading. Wala sang liyabe kag direct ang starter sang truck.
Gin-flash ang impormasyon angut sa pagkawat sa truck sa tanan nga police stations sa Negros, lakip sa Kabankalan PNP, pati na sa Highway Patrol Group, Regional Mobile Force Battalion, kag sa 15th Infantry Battalion sang Philippine Army.
Matapos mapagwa ang alert angot sa carnapping, may nakasiplat sang truck sa area sang Kabankalan City.
Sa hot-pursuit operation, tigayon nga narekober kagab-i ang truck kag nadakpan ang suspek sa Purok Sunshine, Barangay Salong sa Kabankalan.
Ginkilala ang suspek nga si alyas “Cris”, 32-anyos, residente sang Barangay E Lopez sa Silay City.
Ginsiling ni Police Captain Honey Labaro, hepe sang Murcia PNP, may record sa Bureau of Jail Management and Penology ang suspek, nga naka-agi na preso, apang indi pa mapalayag sang kapulisan ang kumpleto nga detalye sang iya kaso sadto.
Sa karon, detained ang suspek sa Murcia PNP kag kaso nga carnapping ang ipasaka batok sa iya.*
[sibwp_form id=1]