Linibo ka mga karton sang raw materials kag sinako nga mga ginapatihan tobacco nga ginagamit sa pag obra sang illigal nga sigarilyo ang nakumpiska sang Bacolod City Police Office sa isa ka warehouse sa Barangay Alijis sini nga hapon, Abril 21.
Ginsiling ni BCPO OIC-Director Police Colonel Eugene Rebadomia nga una nga gin-raid sang kapulisan sang Negros Occidental ang isa ka warehouse sa Barangay Taloc sa Bago City kon sa diin may mga Chinese nationals nga nagkaladakpan bangud sa pag manufacture sang illicit cigarettes.
Matapos nga nadakpan sang kapulisan ang mga Chinese nationals, gintudlo sini ang warehouse sa Barangay Alijis sa Bacolod City, rason nga ginkadtuan ini gilayon sang BCPO kaupod si Mayor Greg Gasataya.
Ginklaro naman ni Rebadomia nga indi sa Bacolod gina manufacture ang mga una na nga nakumpiska nga mga iligal nga sigarilyo, apang ang mga raw materials yara sa amo nga warehouse nakatago.
Posible man nga konektado ang tanan nga mga warehouse sa probinsya nga nakuhaan sang illigal nga sigarilyo suno kay Rebadomia.
Wala pa matumod kon sin-o ang tag-iya sang warehouse sa Barangay Alijis kag gina usisa man sang siudad sa karon kon may yara ini sang business permit.
Ginhatagan naman ni Mayor Greg Gasataya sang direktiba ang BCPO nga hugton ang pagbantay sa mga warehouse nga posible nagaobra sang mga illigal nga mga aktibidad.
Suno sa alkalde, ang ini nga mga iligal nga pag manufacture sang mga sigarilyo ang makaguba sa mga negosyo nga legal sa siudad.*
[sibwp_form id=1]