May 610 pa ka mga tricycle drivers sa Bacolod ang ginapaabot nga makabaton sang 5,000 pesos nga ayuda sa idalum sang Assistance to Individuals in Crisis Situation bwas nga adlaw, Abril, 30.
Ginsiling ni Richelle Verdeprado-Mangga, pamuno sang DSSD Bacolod, ang ini nga mga drivers ang mga wala madala sa nagligad nga mga payout.
Ginklaro man sini nga ang iban sa makabaton bwas ang mga napaslawan nga makakadto sa ila nauna nga mga schedule.
Kon indi pa gid tigayon nga makuha sang mga benepesyaryo ang ila nga ayuda bwas, wala na sang masunod pa nga special payout nga ipatuman ang DSWD.
Gin-isa isa na tawgan sang DSSD ang mga drayber agud ma siguro nga klaro ang ila instruction sa pagpanghatag sang ayuda sa Ayala Capitol Central.
Samtang, nagapadayon naman ang paghanda sang DSWD kag LTFRB Negros Island Region para sa ayuda sang mga drayber sang Public Utility Jeepney, Taxi, kag Transport Network Vehicle Service nga ginatinguhaan masugodan sa masunod nga semana.
Nagdangat sa 10,551 ka mga applications ang ginpasa sang siudad para sa amo nga bulig. Lakip na diri ang mga unconsolidated nga mga jeep sa Bacolod.*
[sibwp_form id=1]