Wala sang low pressure area ukon bagyo sa sulod kag sa gwa sang Philippine Area of Responsibility.
Pero may shearline nga amo ang nagapaulan.
Ang amihan ukon ang matugnaw nga hangin liwat mabatyagan sa northern kag central Luzon kag sa Visayas naga igo naman ang easterlies ukon ang mainit nga hangin halin sa Pacific Ocean kag basta gani magbungguanay ining mainit kag matugnaw nga hangin naga resulta ini sa shearline kun sa diin nagaporma ang mga panganod nga nagadala sang ulan.
Mangin maulanon ang Valentine’s week. Buot silingon mangin matugnaw indi lang sa mga wala sang partners ang ini nga semana.
Laban-laban kun hapon kag kun gab-i magabubu ang ulan nga may dala nga pagpanaguob.
Pero tandaan nga ang shearline sarang magresulta sa pagbaha. Tandaan nga sang nag ligad pa gid nga weekend antes sang bagyo nga Basyang ang shearline ang nagdala sang pagbaha sa Bacolod, Sagay kag Toboso.
Sarang man ini magresulta sa landslide. Mahimo maglawig sang masobra sa isa ka oras ang ulan gani dapat mag-ulualigmat.
Kag ini ang mangin lakat sang panahon sini nga semana weather we like it or not.*
[sibwp_form id=1]