Nagdangat sa 1,800 ang dengue cases sang Negros Occidental sa July 2 nga report sang Provincial Health Office. Napulo naman ang ginreport dengue related deaths.
Kun ipaangid sa datus sang 2021, 725.69 percent nga mas mataas ang dengue cases subong. Ang siudad naman sang Himamaylan ang may pinaka madamo ng ana report nga kaso sang dengue humalin sang Enero – 179.
Sa datus, wala man naka dangat sa alert threshold ang dengue cases sa Negros Occidental.
Pila sa mga ginapatuman karon nga tikang sang PHO amo ang pag hatag sang recommendation to declare outbreak sa mga banwa kag siudad nga yara sa criteria para sa epidemic.
Padayon man ang weekly monitoring sa mga dengue cases sa mga ospital kag mga LGU. Padayon ang pag kampanya sang PHO sa mga komunidad sa pagpabilin sang palibot nga mangin matinlo.