Natultulan na kag gin isyuhan sang LTO sang show cause order ang mga tag-iya sang salakyan nga nagpa tughong kag gin palagyuhan ang ila balayran.
Ginkumpirma sang Land Transportation Office – Negros Island Region nga tigayon na nga na serve ang tatlo tanan ka mga Show Cause Orders sang Lunes sa Barangay Sum-ag, Barangay Taculing kag Barangay 6 sa Bacolod City, may angut sa “gas and run” incidents.
Ang tiglawas sang napatay na nga tag-iya sang salakyan, ang naga dala sang salakyan sang nalagyo matapos magpatughong kag ang bag-o nga tag-iya sang salakyan nga isa na ka car rental business ang ginhatagan sang show cause order.
Ini may angut sa insidente sang pagpatughong kag pagpalagyo sang drayber nga wala makabayad sa Barangay Taculing kag sa Talisay City nga gas stations.
Humalin sang Pebrero, may tatlo na tanan ka mga insidente sang “gas and run” incident sa Negros Occidental nga nagalakip sang una nga insidente sa Barangay Mansilingan sa Bacolod. Tanan nga imbolbado tigayon nga na locate sang LTO kag ginpang isyuhan sang show cause order.*
[sibwp_form id=1]