Ang ikatlo nga moderately explosive eruption sang bulkan Kanlaon consistent lamang sa activities sang bulkan nga napaidalom sa Alert Level 2. Ini suno sa pamuno sang PHIVOLCS nga nag siling man nga wala pa nila gina consider ang pag pasaka sa Alert Level 3, pero ang mga pumuluyo ang dapat mag pabilin nga handa.
Wala pa magsumad ang isa ka bulan, makatlo ka beses nga naglupok ukon may moderately explosive eruption ang bulkan Kanlaon – ang una sadtong February 19, nga gin sundan naman sadtong February 26 kag ang ulihi sadtong Domingo, March 15.
Suno kay PHIVOLCS Director, Teresito Bacolcol, sa idalom sang alert level 2 paabuton gid man ang kasubong nga mga activity gikan sa Kanlaon. Sa karon suno sa iya wala pa nila gina consider ang pag pasaka sa Alert level 3 sang bulkan.
Pero, ang mga pumuluyo sagwa sang 4 kilometer permanent danger zone ang ila nga gina paandaman nga dapat mangin handa enkaso gid man nga mapasaka sa alert level 3.
“Dapat naka standby sila. And then yung mga residente natin na nakatira beyond the 4 km they have to be ready anytime, kapag nakita natin na nag escalate yung activity ng Kanlaon Volcano, we may raise it to alert level 3”, suno kay Bacolcol.
Ang Office of the Civil Defense Negros Island Region ang nagsapol kahapon sa tiglawas sang PHIVOLCS nga si Maria Antonia Bornas, ang chief sang Volcano Monitoring and Eruption Prediction Division kag gin talakay ang sitwasyon sang bulkan.
Suno kay OCD NIR Director, Donato Sermeno, III sila ang gina pahanda enkaso gid man magsaka ang alert level sang bulkan.
“Amo na ang ano namon kahapon ang gina advise naton sa LGUs pati sa response cluster naton”, suno kay Sermeno.*
[sibwp_form id=1]