Mga 1,000 man nga katapo sang pulis, militar kag force mulitiplier ang iga deploy sa highlights sang Dinagsa Festival sang Cadiz City.
Ini suno kay Mayor Salvador Escalante, Jr., nga nag patpat nga may mga 300 ka katapo sang pulis, coast guard kag army ang iga deploy sa highlights sang festival nga maga sugod Enero 24 kag Enero 25. Mga 500 ang force multipliers.
Suno sa alkalde mga kilala nga banda ang maga perform nga naga lakip sang Hale kag Kamikazee.
May mga kilala nga personalidad nga gina paabot maga upod sa selebrasyon sa highlights suno kay Escalante pero wala na niya ginhingadlan kun sin-o ang mga ini bangud luyag man nila nga mag-upod sa kasadyahan.
Subong nga selebrasyon ginkasugtan nga wala sang masyado nga sports activities bangud suno sa alkalde plano nila nga itingob ini kag ibutang sa sports month sang city – sa bulan sang Abril.
Padayon ang pag pang-agda ni Mayor Escalante sa pag upod sa kahiwatan sang Dinagsa Festival sini nga 2026.
P15 million ang pondo sang siudad para sa kapistahan.*