Ginsiling ni Dr. Janine Sarthou, Assistant City Veterinarian sang Bacolod, isa sa pito ka mga nakagtan sang ido ang isa ka photographer.
Base sa paglaragway sang mga biktima ang nakakagat sa ila, gamay nga ido nga brown ang kolor kag naga kiang-kiang. Nagalibot ini sa plaza kag sa dalan sang San Sebastian kag Araneta.
Padayon man sa karon ang impounding sang siudad sa mga layaw nga ido. Apang, ang amo nga ido ang hasta subong wala pa makit-an.
Dungang ni Sarthou, wala man ginahilabtan sang mga biktima ang amo nga ido, apang gulpyada lamang ini nga nangin agresibo.
Sandig sa datos nga ginsiling ni Sarthou, kalabanan sang mga layaw nga ido sa downtown area ang wala pa mabakunahan sang anti-rabies, rason nga ila ini sa karon ginapangita agud wala na sang may mabiktima pa nga iban.
Ginhaylo na sang CVO ang mga biktima nga magkadto sa City Health Office agud madapatan sang bulong.
“Ang mga stray dogs naton wala na sila gina vaccinate. Pero once makasulod sa pound gina vaccinate na sila. Kay medyo budlay sa stray dogs kay wala sa identification kon nabakunahan na, so delikado na sa ila kon mag doble doble kumbaga ang aton bakuna. So ang mga layaw not unless kon makaptan sang mga tawo or nagapakaon sa ila, pwedi gid na sila ma vaccine kay kumbaga ang gapakaon sa ila are considered as owners kay sila gid ang nagapakaon sang ido naton”, suno kay Sarthou.*
[sibwp_form id=1]