Siudad sang Bacolod ang nagatuyo nga magbutang sang napulo lang anay ka mga vaccination centers para sa una nga batch sang bakuna nga magaabot.
Damlag pa, may 22 ka mga lugar sa siudad nga ginpili ang vaccination council para himuon nga vaccination center.
Pero ginpahayag ni Councilor Renecito Novero nga luyag nila anay magsugod sa napulo lang ka mga lugar agud masiguro nga may nagakaigo nga personnel nga ibutang diri.
Sa kada center ang nagakinahanglan sang isa ka vaccinator, verifier, recorded kag isa ka assistant.
Kinahanglan man sang refrigerator kag power generator sa kada center.
Padayon pa man karon ang kampanya sang mga barangay sa ila tagsa ka mga pumuluyo kun sino ang luyag nga magpabakuna.
Tuyo sang siudad nga bakunahan ang 80 porsiento sang 2020 nga projected population sang Bacolod nga nagalab-ot sa 491,198.