Napulo ka mga banwa kag siudad sa probinsya ang may 100 percent drug cleared barangays na.
Ini base sa report nga gin-release sang Philippine Drug Enforcement Agency – Negros Occidental as of December 2023. Nalakip sa mga LGU nga may 100 percent drug cleared barangays amo ang Bago City, Candoni, EB Magalona, La Castellana, Manapla, Moises Padilla, Pulupandan, Sipalay City, Valladolid kag Victorias City.
Sa report sa PPOC ukon sa Provincial Peace and Order Council kahapon, may bag-o ka napulo ka mga barangay ang gindeklarar nga drug cleared. Nalakip diri ang Brgy 19 kag 22 sa Bacolod, Tiling sa Cauayan, Jonob-jonob kag Langub sa Escalante City, Gargato sa Hinigaran, Lopez Jaena sa Murcia, Zone 12 sa Talisay City kag Guinhalaran kag Mambulac sa Silay City.
Suno kay IA 1 Cornelio Espartero, Jr., Provincial Officer sang PDEA isa sa mga pag panghangkat nga ila gina atubang amo ang pag patuman sang intervention kaangay sang rehabilitation sa mga PWUDs ukon people who use drugs. Paathag niya isa sa kabudlayan amo ang indi pagsanto sang ila nga mga schedule sa ahensya nga naga patuman sini.
“Yung challenges, yung intervention na gagawin namin sa mga PWUDs (persons who use drugs) kasi yung I-rehab sila, I-CBDRP (community based drug rehabilitation program) sila, yun ang challenging sa part ng DOH kay sometimes ang mga schedule sa PWUDs hindi mag jibe sa schedule”, suno kay Espartero.
Samtang ang Bacolod naman sa report sang PDEA ang may 20 ka mga drug cleared barangays.