Gin-turn over sini nga Lune sang aga sang lokal nga panguluhan sang Bacolod sa Bacolod City Police Office ang napulo ka mga electric vehicles nga maga serbe nga patrol cars sang napulo ka mga police stations sa siudad.
14 million pesos ang gin-pain sang siudad sa pagbakal sang amo nga mga salakyan.
Ginsiling ni Mayor Greg Gasataya nga sarang ma-charge ang amo nga mga e-patrols bisan sa diin lang.
Kun ma full charge ang amo nga salakyan, pwede ini makadalagan sang 500 kilometers, rason nga suno sa alkalde dako nga bulig ini sa BCPO sa pagkinot sang gatong.
Subong nga adlaw, gin-seminar sang kompaniya nga ginbaklan sang mga e-vehicles ang mga PNP personnel kon paano ini magamit.
May mga personnel in-charge nga ginbutang ang BCPO sa tagsa ka police station agud mag drive kag mag maintain sang amo nga e-vehicles.
Dugang sang alklade may masobra sa napulo pa gid ka mga e-vehicles nga ginapaabot ang siudad para sa mga departmento sang Bacolod City Government.*
[sibwp_form id=1]