Napulo tanan ka mga balay sa Purok San Jose sa Barangay Alijis sa Bacolod ang gintupok sang kalayo.
Ang kalayo ang nag sugod sa second floor sang balay ni Marilyn Encarquez suno sa kay Chief Inspector Rodel Legaspi, City Fire Marshall sang Bacolod BFP.
Dugang pa niya gin budlayan ang mga bombero sa pag sulod sa lugar bangud gamay ang alagyan.
Naga inikit ikit pa ang mga balay nga himo sa madasig masunog nga mga butang.
Ang barangay kag ang Amity Volunteers Fire Brigade ang gilayon naman nga nagpadala sang relief goods sa mga nasunogan.