Patay ang 10 anyos nga bata matapos malumos sa Sitio Lupa, Brgy. Linantuyan, Guihulngan City, Negros Oriental.
Ang biktima isa ka grade 2 pupil kag residente sang lugar.
Sa inisyal nga report sang PNP, ginsaysay sang amay sang bata nga ang iya 13 anyos nga anak ang kaupod sang nalumos niya nga bata.
Ginkaayo nila ang naguba nga hose para mabalik ang supply sang tubig sa ila balay.
Naghagaray ang mag-utod nga maligo sa lamawan sang tubig dala sang ulan mga las 11 sang aga.
Yara sa 12 ka tapak ang kadalumon sang tubig sa lamawan gani nalumos ang biktima.
Nagpatigayon sang search and retrieval operation ang mga personnel sang CDRRMO sa Guihulngan City, kag pasado las kwatro sang hapon na recover ang lawas sang biktima.