Sa forecast sang weather bureau sang Pilipinas nga PAGASA, may 10 tubtob 19 ka mga bagyo ang mahimo mag-develop kag magsulod sa Philippine Area of Responsibility humalin sa bulan sang Mayo tubtob Oktubre sini nga 2025.
Ini base sa mga pattern sang gina agyan sang mga bagyo humalin sang 1948 tubtob 2015.
Ang ini nga forecast ang nabase man sa 183rd Climate Outlook Forum sang PAGASA sadtong Abril 23.
Ang masunod nga update patigayunon sa 184th Climate Outlook Forum sa Mayo 28 sini nga tuig.
Samtang padayon nga mangin mainit kag mapaang ang panahon sa isla sang Negros ilabi na kun udto bangud sang easterlies.
Posible naman ang pagbubo sang ulan kun hapon kag kun gab-i dala sang localized thunderstorm.