Isa ka grupo sang mga estudyante nga taga Sitio Mag-abo, Brgy. Maluay, Zamboanguita, Negros Oriental ang ginpang tiro sa sulod sang bilyaran Domingo sang gab-i.
Sa report sang Zamboanguita PNP, ang apat ka mga soltero nga mga magpakaisahanay lang man ang naga inum sa sulod sang bilyaran matapos maghampang sang billiards. Hinali na lang nga may nag abot nga lalaki nga naga sakay sa motorsiklo kag naka helmet ang nagpalupok sang pusil sa mga biktima. Isa ka 19 anyos ang patay sa pagpaniro. May isa naman nga nasamaran matapos maigo sang bala sa abaga.
Gilayon nga nagpalagyo ang suspek. Gina usisa na sang PNP ang ini nga insidente para makilala ang suspek kag kun ano ang iya motibo sa pagpaniro.