Isa ka shooting incident ang nagluntad sa Amigo Subdivision, Brgy. Piapi, Dumaguete City Sabado ang hapon.
Patay ang biktima nga si Ronald Vendiola Patrimonio alias Wewe matapos mag agom sang mga igo sang bala sang gintiro sang suspek nga ginkilala kay “Inting Celestial” sang Martesan, Bacong, Negros Oriental.
Suno sa mga saksi ginsundan sang suspek ang biktima kag gintiro ang biktima sang maka lima ka beses kag nagpalagyo sakay sa mountain bike.
Natabuan nga yara man sa lugar ang pulis nga si PSMS Rolando Jamosmos.
Natiruhan siya sang suspek sa tiyan pero nakabato siya kag naka tawag sang dugang nga pulis pinaagi sa iya handheld radio.
Gilayon nga nag abot ang dugang nga mga pulis kag tigayon nga nadakpan ang suspek nga nanago sa bakante nga lote pero na trap siya sa matag-as nga mga pader gani nag sungka na lang sa otoridad.
Suno sa PNP sa ila inisyal nga pagpangusisa sa suspek, isa ini ka gun-for-hire.
Padayon ang imbestigasyon sa kaso.