Patay ang 22 anyos nga si John Mark Deduyco matapos ini malumos kahapon samtang nag paligo sa baybay sa bahin sang Barangay Lat-Asan, banwa sang EB Magalona.
Suno kay Lt Col Robert Petate, hepe sang Silay PNP, una nga gin report sa ila ang insidente matapos mag high tide kag ginlamon sang mataas nga balod ang anum sa masobra 30 ka mga pamatan-on nga naga paligo sa baybay kahapon sang udto.
Suno kay Petate may lima ka persona nga na rescue kag gindala man sa ospital. Luwas na sa katalagman ang mga na ospital suno sa pulis.
Samtang ang na missing nga isa nga si Deduyco ang nasapwan nga wala na sang kabuhi pasado las 4 na sang hapon.