Patay ang 35 anyos nga si Abundio Redoble samtang apat pa ang pilason lakip na pulis sa komosyon nga nag luntad sang Sabado sa anti-illegal gambling operation sang PNP sa Barangay Dancalan sa Ilog.
Ang mga pilason amo ang 16 anyos nga manak ni Redoble, utod sini nga si John Mark kag upod nga si Samson Tagapan.
Ang hepe sang Ilog PNP nga si Capt. Thurslie Castillo, ang pilason man. Suno kay Executive Master Sgt. Jomel Villavicencio, deputy chief sang Ilog PNP, ang kapulisan sa pagpanguna ni Castillo ang nag responde lang sa lugar bangud sang pagpanahor sang pila ka mga residente.
Pag abot sang kapulisan, nag pinalagyo ang kadam-an apang nagpabilin ang mag utod nga Redoble kag si Tagapan dala ang ila nga patalom. Didto kag gin buno sang mag utod nga Redoble si Castillo nga nag agum sang pilas sa paa, likod kag butkon.
Ang pulis ang nagdepensa naman sang kaugalingon kag siya ang nagpalupok sang iya armas. May igu sang bala ang mag utod lakip na si Tagapan nga may dala man nga patalom.
Naigu man sang bala ang menor de edad nga manak ni Abundio. Dead on arrival sa ospital si Abundio Redoble. Padayon nga gina bulong sa ospital naman ang apat pa ka pilason lakip na ang hepe sang pulis.