Patay ang wala pa makilala nga motorcycle rider matapos makabunggo sa tricycle sa National Highway sang Hacienda Lavtor, Brgy. Burgos sa Cadiz, Lunes sang gab-i.
Ang naga dala sang tricycle, 15-anyos nga lalaki kag may ara ini sang sakay nga mga pasahero.
Sa imbestigasyon sang Cadiz City PNP, ang tricycle ang gikan sa Brgy. Caduha-an kag padulong sa Brgy. Burgos samtang ang motor ang yara sa pihak nga lane padulong sa Brgy. Caduha-an.
Paglab-ot sa lugar sang insidente, naglapaw ang motor sa lane sang tricycle nga nagresulta sa ila pagbungguanay.
Nag agum sang pilas ang driver kag pasahero sang tricycle kag ang driver sang motor ang ginhingagaw dala sa ospital apang gindeklarar nga dead on arrival.
Sa karon padayon pa nga gina kilala ang biktima.