![](https://i0.wp.com/digicastnegros.com/wp-content/uploads/2023/11/image-355.png?resize=810%2C456&ssl=1)
Patay SI Jessan Carl Escosio, 26 anyos, isa ka call center agent matapos mabungguan sang isa ka pribado nga salakyan sa Purok Rose, Barangay Abuanan, siudad sang Bago, Domingo sang gab-i.
Samtang pilason ang driver sang isa pa gid ka motor nga si Roy Mahinay nga may duha ka mga angkas.
Ang driver sang AUV ginkilala sa kay Gian Andrew Bourbon. Suno sa kay Police Lieutenant Colonel Jay Malong ang hepe sang Bago City PNP, nag-overtake ang AUV sa ginasundan nga motor.
Apang nasugata sini ang motor sang biktima kag nagbungguanay sila. Gindala pa sa ospital si Escosio apang gindeklarar siya nga dead on arrival sa ospital.
Gilayon man nga nagsungka ang driver sang AUV sa La Carlota City PNP.