Patay ang 28-anyos nga babaye samtang pilason ang tatlo ka iban pa matapos nagbungguanay ang duha ka mga motor sa Murcia-Bago Road sakop sang Hacienda Valing, Barangay Blumentritt sa Murcia, Domingo sang kaagahon, Setyembre 27.
Nagwa sa imbestigasyon sang Murcia PNP nga nagasundanay ang duha ka mga motor pakadto sa Brgy. Cansilayan sang nabunggoan sang Kawasaki ang Rusi nga motor.
Ginamaneho ang ang isa ka motor ni alyas “Donnie”, 28-anyos kag angkas niya si alyas “Joebert”, 18-anyos.
Samtang ang isa naman ka motor ginadala ni alyas “Bobby”, 32-anyos kag ang backrider amo si alyas “Jonalyn”, 28-anyos.
Bangud sa impact, nakaangkon sang mga pilas ang apat ka mga sakay sang motor apang si alyas “Jonalyn” ang nagtaliwan.
Sa karon, nagapabilin sa ospital si alyas “Bobby” kag alyas “Joebert” samtang detained si alyas “Donnie” sa custodial facility sang Murcia PNP.
Kaso nga reckless imprudence resulting in homicide and physical injuries ang ginpasaka nga kaso batok kay alyas “Donnie”.
[sibwp_form id=1]