Isa ka rebelde ang napatay samtang duha naman ang pilason sa enkwentro nga nag luntad sang sabado sa Barangay Sandayao sa siyudad sang Guihulngan.
Sa report sang Army, naga patigayon lang ang tropa sang 62nd Infantry Battalion sang Philippine Army sang inspection kag distribution sang assistance sa mga lugar nga gin halitan sang Bagyo Odette sang sila ang makabaton sang report may angot sang pag pangilkil sang grupo sang rebelde sa barangay.
Nag lunsar sang operation ang militar kag didto ila nga na ka engkwentro sa Sitio Manlibod ang ginabulubanta 12 ka mga katapo sang New Peoples Army.
Nag lab-ot sa lima ka minutos suno sa army ang pagbayluhanay lupok nga kabangdanan sang pagkapatay sang isa ka rebelde. Nadakop man sang tropa ang apat pa ka mga rebelde lakip na ang isa ka menor de edad.
Pilason ang duha sa apat ka mga na capture. May mga armas kag dokumento man nga nakuha ang army. Ginabulong karon ang duha ka pilason samtang gin dala naman sa Guihulngan PNP ang duha ka iban pa.