Isa patay, duha pilason sang nabungguan sang pick up ang tatlo ka mga babaye nga naga jogging.
Patay ang isa ka 53 anyos nga babaye samtang pilason naman ang iya duha ka mga kaupdanan matapos mabungguan sang pick up pasado las sais kaina sang aga sa may Manville Royale Subdivision sa Barangay Pahanocoy sa Bacolod City.
Suno kay Police Lieutenant Colonel Ramel Sarona ang hepe sang Traffic Enforcement Unit sang Bacolod,
padulong ang driver sa kapehan sa subdivision kag sang hana ini nga magliko wala niya nakit-an ang tatlo ka biktima bangud sang kasilaw sang silak sang adlaw.
Dugang pa sang pulis nga nag pondo makadali ang tatlo samtang naga jogging kag nagkuha sang ila group picture sang madalasa sang salakyan.
Ginpangdala sa ospital ang tatlo pero ang isa sa ila ang napatay bangud sang malubha nga mga pilas.
Gin-detain naman sa Police station 8 ang driver sang pick up.