Patay ang driver sang motorsiklo samtang pilson naman ang iya nga angkas matapos makabunggo sila sa isa ka pick-up sa Circumferential Road sa atubangan sang Phase 3 NHA Village Barangay Pahanocoy siudad sang Bacolod ang Sabado sang gab-i.
Ang driver sang motor nga napatay ginkilala kay Ramil Diamante, 45 anyos samtang ang backrider nga isa ka PWD kag ginabulong sa hospital ginkilala kay Wilmar Villanueva, 21 anyos.
Suno kay Police Capt. Melvin Mercado, hepe sang Police Station 8, naka inum ang mga sakay sang motor. Nag sugat-anay sila sa area sang Cegasco matapos gin-agaw sang motor ang lane sang pick up rason nga nabunggoan ini kag nagresulta sa kamatayon sang drayber.
Gin-custody sang PNP ang driver sang pick up kag may yara na sila sang pag istoryahanay sang pamilya sang napatay. Yara naman sa estable nga kondisyon ang pasahero sang motor.