Shadow

1 patay, 1 pilason sa separado nga kaso sang pagpamuno

Toboso PNP photo

Patay ang 40 anyos nga si Roberto Cagayan matapos ini bun-on sang Dominggo sang gab-i sa Barangay Libacao sa siudad sang Himamaylan.

Sa imbestigasyon sang Himamaylan PNP, nag labay lang si Cagayan sa lugar kun sa diin naga inom ang suspek nga si Vicente Ambata kag iya mga kaupod.

Nag istorya lang ang duha tubtob nag baisay kag gilayon nga gin buno ni Ambata si Cagayan.

Posible bangud lang sa tuman nga kahulugbun amo nga nabuno sang suspek ang biktima suno sa PNP.

Samtang, pilason naman ang biktima nga si Jury Gabriel matapos ini bun-on sang iya man lang nga utod samtang siya ang anga katulog sa iya sini balay sa Barangay Tabun-ac sa banwa sang Toboso.

Suno kay Police Captain Paul Kenneth Magan, tulog pa ang biktima nga wala sang iban nga upod sa ila balay sang siya ang gin sulong sang iya utod nga si Ernesto kag gilayon nga ginbuno.

Dugay naman nga may indi pag intindihanay ang duha suno kay Magan. Padayon man karon nga gina pangita ang suspek nga nagpalagyo matapos sang pag pamuno.

Leave a Reply

Your email address will not be published. Required fields are marked *

Secured By miniOrangeSecured By miniOrange