Dead on the spot ang rider nga si Geory Adeva sang siya ang gintiru sang nagasunod sa iya nga gunman nga nagamaneho man sang motorsiklo sa 18th street sakop sang Barangay 5 Sabado sang gab-i.
Nag gwa sa imbestigasyon sang Police Station 2 nga si Adeva ang ginsundan na sang suspek halin sa dalan Lacson.
Lima ka lupok sang pusil ang nabatian sang mga nakasaksi kag nabatian man nila ang gunman nga nagsiling nga “naling an na ko sa imo,amo na ni ang katapusan mo.”
Samtang, pilason naman nga nakaluwas ang negosyante nga si Roger Hofilena sang siya ang gintiru sang makapila ka beses sang iya kaingod balay sa Villa Angeles Subdivision sa Barangay Estefania sang Byernes.
Suno kay Police Major Ritchee Gohee, commander sang police station 4, away tungod sang mabaho nga kanal ang kabangdanan sang pagdumtanay sang magtimbang nga bahin.
Nasugata sang biktima ang suspek nga si Andrew Prudenciano sa may bangga pasulod sa subdivision kag madasun siya nga gintiru sang makapila ka beses sang nalagyo nga suspek.
ginhambalan siya sang biktima nga ang iya sini nga ang bana niya ang nakatiro sa iya.
Si Prudenciano ang katapo sang monitoring team sang barangay sa kampanya kontra iligal nga droga.