Pareho nga gindala ang suspek kag biktima sa San Carlos City Hospital matapos sila ang nagbinun-anay sa Sitio Manok, Barangay Palampas sa syudad sang San Carlos, Negros Occidental, Lunes sang gab-i, Setyembre 1, 2025.
Apang nagtaliwan ang suspek nga ginkilala kay alyas “Dexter.”
Samtang ang biktima nga si alyas “Rob”, 53-anyos, ang gin-refer sa ospital sa syudad sang Bacolod agud magpa-idalum sa surgery.
Nag-gwa sa imbestigasyon sang kapulisan nga naglalisay ang duha, tubtob nga ginbuno sang suspek ang biktima sang makapila ka beses.
Nakabalos ang biktima kag nabuno ang suspek, kun diin patal ang igo sini sa iya nawala nga ilok.
Ginsiling ni Police Capt. Rodney Sarona, deputy chief sang San Carlos PNP, may mga daan na nga gubot ang biktima kag suspek, nga pareho mga mangunguma kag sang amo nga tion, sila ang nagsugat-anay.