Bangud sa hinubog, isa patay kag isa pilason sa pag binun-anay sa Candoni.
Isa ka mangunguma ang patay, samtang pilason ang suspek sang sila ang nagbinun-anay samtang naga-inom-inom sa Purok Mahogany, Barangay Agboy sa banwa sang Candoni Martes sang gab-i.
Ginsiling ni Police Lt. Gilbert Alunan, deputy chief sang Candoni PNP, updanay ang suspek kag biktima bangud may gin-obra sila sa isa ka balay sa Purok Mahogany, Martes sang aga.
Naghatag sang kwarta ang tag-iya sang balay, gani pagkahapon, naghinagaray inum ang biktima, ang suspek, pati na ang iban nila nga mga kaupdanan.
Base sa imbestigasyon, bangud yara na sa impluwensya sang makahulubog nga ilimnon, naglalisay ang duha. Nabuno sang biktima ang suspek, apang naagaw sang suspek ang patalum kag nabuno ang biktima.
Ginbawian sang kabuhi ang biktima, samtang ginbulong ang suspek sa Rural Health Unit sang Candoni, antes siya ang gin-detain sa Candoni Police Station.
