Isa ang patay kag isa ang missing sa probinsya sang Negros Occidental bangud sang habagat.
Nagdangat naman sa masobra 91,000 ka pumuluyo ang apektado.
Sa report sang Hinoba-an, may isa ka 67 anyos nga lalaki nga naka inom nga gin-report missing sang Sabado ang nasapwan na lamang sang Lunes suno kay Mayor Daph Religquias. Sandig sa report nalumos si Macario Villasin sang Purok 3, Brgy Bulwangan.
Sa Sipalay City naman as of press time nagapabilin nga missing ang menor de edadd nga gin-report nalumos sa Campomanes Bay sang Domingo.
Sa report sang Provincial Disaster Risk Reduction Management Council as of 11 am, 91,046 na ka mga persona sa 23 tanan ka mga banwa kag siudad sa Negros Occidental ang apektado sang habagat nga ginpabaskog sang bagyo Ferdie kag Gener.
10,604 diri ang naga pabilin sa mga evacuation center kag 2,074 naman ang yara naga tenir sagwa sang mga evacuation center.
Ang siudad sang Bago ang may pinaka madamo nga evacuees suno kay PDRRM head, Irene Bel Plotena nga may 5,989 ka mga evacuees.
Padayon ang pag hatag sa ila sang assistance.
Sa bilog nga probinsya 130 ka mga balay ang ginreport nagkalaguba. Siyam diri ang totally damaged. May walo ka mga landslide incidents nga natabo.
29 ka mga banwa kag siudad sang nagdeklara sang suspension sang mga klase kag apat naman ang may work suspension.
Kahalitan sa pananom ang nagdangat sa 19.3 million, sa fisheries naman masobra sa 424,000 kag sa livestock masobra sa 699,000 pesos.