Patay ang senior citizen nga babaye samtang pilason ang iya upod matapos sila ang mabunggoan sang canter sa corner sang Araneta Avenue kag Alijis-Murcia Road, Barangay Singcang-Airport sa Bacolod City, pasado las 4 sang hapon kahapon, Marso 11, 2026.
Gindala sang ambulansya sa Corazon Locsin Montelibano Memorial Regional Hospital si alyas “Teresita”, 76-anyos, residente sang Brgy. Sum-ag sa Bacolod apang siya ang nagtaliwan.
Ang iya upod nga si alyas “Gretel”, 67-anyos, taga Brgy. Taculing sa Bacolod, ang nakaangkon sang mga pilas kag gindala sa Bacolod Adventist Medical Center.
Samtang ang driver sang Truck, nga ginkilala kay alyas “Faustino”, 66-anyos, residente sang Brgy. Alijis sa Bacolod, ang gindala man sa ospital apang karon ang detained sa custodial facility sang Station 8.
Nag-gwa sa imbestigasyon nga nagatindog ang duha ka mga tigulang sa higad sang dalan sang sila ang gin-arangka sang truck samtang nagapaliko halin sa sur sang Araneta Street, paliko sa Alijis.
Ang canter truck ang nagdiretso kag nabunggo pa gid sa mga poste.*
[sibwp_form id=1]