Tatlo ka sunod sunod nga encounter ang nag luntad kahapon sa Barangay Gatuslao banwa sang Candoni sa tunga sang tropa army kag New People’s Army nga nag resulta sang isa ka kamatayon sa bahin sang rebelde.
Sa report sang 302nd Infantry Brigade, ang tropa sang 15th IB ang nag responde sa amo nga barangay angut sa gin report nga pag pangilkil sang mga rebelde kag ila naka enkwentro ang kapin 15 ka mga armado nga NPA.
Liwat nag luntad ang enwkenro sang masugata sang mga rebelde ang blocking force.
Sang nag patigayon na sang clearing operations pag ka gab-i, liwat naman nga pag bayluhanay sang lupok.
Didto na na recover sang army ang bangkay sang isa ka lalaki nga ginapatihan katapo sang NPA. May mga na recover man nga armas kag anti personnel land mines.