Sa pahayag ni Dr. Grace Tan, Head sang Environmental Sanitation Division sang CHO, may narekord nga isa ka probable leptospirosis-related death sang Enero. Ginsiling niya nga ang pasyente, isa ka lalaki, una nga na-expose sa tubig baha sang Disyembre sang nagligad nga tuig kag gin-ospital antes napatay.
Ginsiguro ni Tan nga sa karon, wala sang hinali nga pagtaas sang kaso sa Bacolod. Apang padayon nga ginamonitor sang CHO ang sitwasyon, labi na sa incubation period sang masakit, agud mahibaluan kun may posibilidad sang dugang nga kaso sa masunod nga mga semana.
Ginapahanumdom man sang CHO ang publiko nga may nagakaigo nga supply sang prophylaxis nga bulong kontra leptospirosis sa tanan nga health centers. Libre ini nga bulong, kag ginahatag sa mga apektado ukon nakaubog sa baha bilang preventive measure.*
[sibwp_form id=1]