Waste to fuel program para sa Bacolod ginpalab-ot ni Mayor Albee Benitez kay Presidente Ferdinand Marcos Jr.
Ang pag convert sang waste to energy, fertilizer kag iban pa nga produkto ang pila lang sa plano sang Benitez administration.
Gani sa pag-upod sang alkalde sa presidente sa Estados Unidos, naistoryahan nila ang tuhoy sa waste management para sa Bacolod.
Si Presidente Marcos ang nagpadulong sa US para sa 77th United Nations General Assembly.
Ginaduso ni Benitez ang pagtukod sang Economic Zone sa Barangay Felisa nga sarang tukuran sang manufacturing companies nga mag-convert sang basura sa fertilizers kag iban pa nga produkto.
Kabahin man ini sang tikang agud mabuhinan ang pagtambak sang basura sa nagakapuno na nga landfill sang siudad.