Naga pabilin sa status quo ukon wala sang pagbag-o sa mga rekisitos sang Negros Occidental sa mga magasulod sa probinsya.
Suno kay Negros Occidental Governor Eugenio Jose Lacson, sa tanan nga magasulod sa probinsya may yara sila sa gihapon sang duha ka option, ang magpakita sang negative RT PCR test result bilang isa sa mga rekisitos sa s-pass ukon mismo sa pag abot na sa probinsya sila magpaidalom sa swab test.
Kasunod sang pagka diskubre sang Delta variant sang Covid-19 sa Region 6 ang Bacolod City nag ban sang leisure travel sa Bacolod gikan sa isla sang Panay.
Ini bilang kabahin sang border control measure sang siudad batuk sa paglapta sang Covid-19 Delta variant.
Sa Executive Order 39-A, ginrequire man sang siudad ang mga fully vaccinated bacolod residents nga mag pakita sang negative RT PCR test result sa ila nga pag abot sa siudad.
Wala pa maka desisyon ang probinsya bahin diri sa mga yadtong naga abot sa Bacolod-Silay Airport. Paathag ni Lacson nagapabilin man sa karon ang duha ka mga option para sa mga naga biyahe sa Negros Occidental.